År 2009, den 10. september kl. 10.00 vart det halde møte i arbeidsutvalet i Sogn og Fjordane Fiskarlag på kontoret i Måløy og per telefon.

Til stades:                   formann          Jarl Magne Silden

nestformann   Kristian Korneliussen

                                   medlem           Magne Kristiansen    

Sekretær:                    avd.leiar          Oddmund Kvalheim

Møtet slutta:  kl.  12.00.

Innkalling og sakliste vart godkjent.

SAKLISTE:

AU-sak  01/09-           Høring om fastsettelse av forskrift om regulering av fisket med bunnredskap i Norges økonomiske sone, fiskerivernsonen rundt Jan Mayen og fiskerivernsonen ved Svalbard.

AU-sak  02/09-           Oppnemningar:

                                    A - Representasjon. B - Oppnemningar.

AU-sak  03/09-           Høring - Forslag til endringar i lov av 6. juni 2008 om forvaltning av viltlevande marine ressursar (Havressurslova) - Adkomst til fartøy og lovbruddsgebyr.

AU-sak  04/09-           MSC-merking av norsk arktisk torsk.

AU-sak  05/09-           Forslag om inndraging av båtførerbevis ved visse typer ulykker og for høg promille.

AU-SAK  01/09-        HØRING OM FASTSETTELSE AV FORSKRIFT OM REGULERING AV FISKET MED BUNNREDSKAP I NORGES ØKONOMISKE SONE, FISKERIVERNSONEN RUNDT JAN MAYEN OG FISKERIVERNSONEN VED SVALBARD.

Sak motteken frå Norges Fiskarlag datert 03.08.2009.

Arbeidsutvalet i Sogn og Fjordane synest at vernehysteriet går vel langt fordi i alle år har passive reiskap vore brukt utan å skade bunnhabitat. Vi kan ikkje ha det slik på havet som i naturen på land at store område vert verna og så gror igjen med kratt og busker.

VEDTAK:

Arbeidsutvalet i Sogn og Fjordane Fiskarlag synest at det er ein rar måte å sende ei sak på høring, for så å kome tilbake med definisjonane på viktige ting i ettertid.

Norske fiskarar har visst om korallar og bunnhabitat i generasjonar. Opplysningane om korallar og bunnhabitat har gått i arv i mange generasjonar lenge før forskarane oppdaga "ukjente" korallrev som no på død og liv må vernast for alt fiskeri, med unntak av oljeboring og ankring av store plattformer.

Arbeidsutvalet i Sogn og Fjordane Fiskarlag vil hermed kome med følgjande merknander:

• Norsk økonomisk sone må betraktast som "kjent" område i si heilhet.
• Nye område, som takast i bruk, må definerast som område som i dag er islagt eller område på store djup. På slike område må ein drive forsøksfiske med passive reiskap (line og garn) før feltet vert opna med aktive reiskap (trål).
• For å få løyve i "nye område", med inspektørar om bord, er nesten det same som å stengje felta for fiske. Dette fordi det vert heilt håplaust å få løyve og få på plass ein inspektør på kort varsel. Fiske i dag er på vandrande/beitande eller stimfisk og derfor må fisket planleggjast der fisken er, også med skiftande temperaturar og vertilhøve.
• Bunnreiskap som garn og spesielt line er skånsomme mot habitat og korallar. Dette er reiskap som står i ro på botnen og derav i svært liten grad øydelegg habitat og korallar. Aktive reiskap som trål blir slept på botnen eller ankring av plattformer øydelegg og knusar korallar.
• Fiskefartøy som haustar av havet har vore gjennom mange struktureringar og er i dag langt færre fartøy. Ved at antall fartøy er minka, er slitasjen på havbotnen og habitatane minka i stor grad.

AU-SAK  02/02-        OPPNEMNINGAR:

A - REPRESENTASJON.

Møte med Måløy Vekst 11.09.09 vedk. omstillingar i Vågsøy kommune.

VEDTAK:

Arbeidsutvalet i Sogn og Fjordane Fiskarlag oppnemner formann Jarl Magne Silden, Ståle Vedvik, Nils Myklebust og Oddmund Kvalheim til møtet.

B - OPPNEMNINGAR.

Møte med Regiondirektør Hans Haddal 10.09.09.

VEDTAK:

AU i Sogn og Fjordane Fiskarlag oppnemner Jarl Magne Silden og Oddm. Kvalheim.

AU-SAK  03/09-        HØRING - FORSLAG TIL ENDRINGAR I LOV AV 6. JUNI 2008 OM FORVALTNING AV VILTLEVANDE MARINE RESSURSAR (HAVRESSURSLOVA) - ADKOMST TIL FARTØY OG LOVBRUDDSGEBYR.

Sak motteken frå Norges Fiskarlag datert 25.08.09.

VEDTAK:

Arbeidsutvalet i Sogn og Fjordane Fiskarlag er einige i at sikkerheita for personell som skal borde/inspisere eit fartøy må kunne gjere det ved ein forsvarleg godkjent leider. Kystvakta har i dag med heimel i kystvaktlova høve til å handheve dette via forskrifter.

Vi ventar at forskriftene for leider vert samordna, og at vi får same lov til leider for alle flytande innretningar som skal inspiserast. Regelverket må derfor gjelde at både handelsfartøy, seismikkfartøy, fiskefartøy, omlastingsfartøy og andre flytande innretningar, skal ha same krav til forsvarleg godkjent leider/losleider, og kan derfor straffast med like lovbrotsgebyr og straff.

AU-SAK  04/09-        MSC-MERKING AV NORSK ARKTISK TORSK.

Sak på Landsstyremøte i Norges Fiskarlag i sept. 2009.

VEDTAK:

Arbeidsutvalet i Sogn og Fjordane har handsama saka og kjem med følgjande merknader:

• Torsk fanga utenfor 12 n.mil for alle reiskapsgrupper kan miljømerkast.
• Det må vere automatikk i at når kysttorskestammen kjem opp på eit berekraftig nivå vert den også  miljømerka.
• Dersom EU-landa miljømerker nordsjøtorsken, må også Norge gjere det same grunna konkurransesituasjonen i marknaden.

AU-SAK  05/09-        FORSLAG OM INNDRAGING AV BÅTFØRERBEVIS VED VISSE TYPER ULYKKER OG FOR HØG PROMILLE.

Høring motteken frå Norges Fiskarlag datert 07.09.09.

VEDTAK:

Arbeidsutvalet i Sogn og Fjordane Fiskarlag viser til tidlegare handsaming og vedtak i saka.

Ein kvar promille over 0,8 må derfor medføre obligatorisk tap av førarrett også for fartøy under 8 meter og motorstorleik mindre enn 25 HK.

___________________                                            _____________________                

Jarl Magne Silden                                                      Kristian Korneliussen

formann                                                                     nestformann                                                                         

_____________________

Magne Kristiansen

sign.

_____________________

Oddmund Kvalheim

sekretær